අඹු සැමි ගැටුම පොලිස්‌ පොතට යද්දී පැරණි පෙම්වතා "මඟුලක්‌" කන්න හදලා පැහැරගෙන ගිය කත පැරණි පෙම්වතාගේ නිවසින් සොයාගනී

විවාහ වී මාස අටකට පසු සිය සැමියා සමඟ දබර වී පොලිසියට පැමිණ යමින් සිටි 21 හැවිරිදි කාන්තාවක්‌ ඇයගේ පැරණි පෙම්වතා විසින් බලහත්කාරයෙන් පැහැරගෙන ත්‍රිවිල් රථයකින් ගෙන යමින් සිටියදී දොඩන්ගොඩ පොලිසිය විසින් අත්අඩංගුවට ගෙන ඇත.
අඹු සැමි යුවලගේ පැමිණිල්ල කළුතර දකුණ පොලිසිය විසින් විභාග කිරීමෙන් අනතුරුව ඇය නාගොඩ නිවසට යමින් සිටියදී මෙසේ පැරණි පෙම්වතා විසින් ඇයව පැහැරගෙන යන අතරතුරදී කාන්තාව විසින් සිය පියාට දෙන ලද දුරකථන ඇමතුමක්‌ අනුව ඇයව දොඩන්ගොඩ පොලිසිය විසින් මෙසේ පැරණි පෙම්වතාගෙන් බේරාගෙන ඇත.
මෙම කාන්තාව පැහැරගෙන ගිය පුද්ගලයාව දොඩන්ගොඩ පොලිසිය විසින් අත්අඩංගුවට ගෙන ඇති අතර කළුතර දකුණ පොලිසියේ අපරාධ අංශයේ ස්‌ථාධිපති පොලිස්‌ පරීක්‌ෂක ලලිත් පත්මකුමාර කොස්‌තාපල්වරුන් වන 55348 දන්දෙනිය 13993 පෙරේරා යන මහත්වරු වැඩිදුර පරීක්‌ෂණ පවත්වති.

බාලවයස්‌කාර දැරියට කන්ටේනරයකදී අතවර කළ පුද්ගලයා අල්ලයි

මාතලේ පොලිස්‌ වසමට අයත් මාතලේ කොහොඹිලිවල ප්‍රදේශයේ පදිංචි අවුරුදු 14 ක්‌ වයසැති දැරිවියකට එකී ප්‍රදේශයේදී කන්ටේනරයක්‌ තුළ අතවර සිදුකළ බව කියන පුද්ගලයකු හා එකී ලිංගික අතවරය සිදු කිරීමට අදාළ කන්ටේනර් රථය දීම හා එයට අනුබලදීමේ චෝදනාව මත එම කන්ටේනර් රථය හිමි අයකුද මාතලේ මූලස්‌ථාන පොලිස්‌ පරීක්‍ෂක කීර්ති රණවීර මහතාට ලද තොරතුරකට අනුව කාන්තා හා ළමා කාර්යාංශ පිළිබඳ පොලිස්‌ පරීක්‍ෂිකා ධම්මිකා කරුණාරත්න මහත්මිය ඇතුළු නිලධාරීන් කණ්‌ඩායමක්‌ අත්අඩංගුවට ගෙන ඇත. මෙලෙස අත්අඩංගුවට ගත් පිරිස මාතලේ මූලස්‌ථාන පොලිස්‌ පරීක්‍ෂක කීර්ති රණවීර මහතාගේ උපදෙස්‌ පරිදි මාතලේ මහෙස්‌ත්‍රාත් අධිකරණයට ඉදිරිපත් කිරීමට කටයුතු යොදා ඇත.

මිදි ගෙඩි තුන කළ අනවින

හෙදියක්‌ ලෙසින් සුවහසක්‌ වූ රෝගී ජීවිත සුවපත් කරන්නට නිරතුරු කැපවී සිටින දයාබර මවකට තම සිඟිති දියණිය තමා සේවය කරන රෝහලේදීම මළ සිරුරක්‌ සේ දකින්නට හැකි වුවහොත් ඇතිවන කම්පනය හා වේදනාව කෙතරම්ද? කෙතරම් අමිහිරි වුවද එවැන්නක්‌ සිදුව තිබේ. මේ එම කතාවයි.
කොස්‌ගම අරපන්ගම ගම්මානයම කඳුළින් නහවා පිපීගෙන එන රෝසමලක්‌ බඳු හත් හැවිරිදි ගිම්හානී සත්සරා නම් වූ සිඟිති දියණිය ආහාරයට ගත් මිදි ගෙඩි හිරවීමෙන් 26 දා මරණයට පත්වී තිබිණි.
මියගිය සිඟිති දියණියගේ මිත්තනිය -

ඇමරිකානු හමුදාවේ ශ්‍රී ලාංකිකයා ඇෆ්ගනිස්‌ථානයේදී දිවි පුදයි

ශ්‍රී ලංකාවේ ඉපිද අවුරුදු 13 දී ඇමරිකාවට සංක්‍රමණය වූ ඇමරිකානු යුද හමුදාවේ බලලත් නිලධාරියකු ලෙස සේවය කළ 29 හැවිරිදි සුරේෂ් කෲස්‌ ඇෆ්ගනිස්‌ථානයේදී මරුමුවට පත්වී ඇත.

මේ ඇමරිකානු යුද හමුදා නිලධාරියා ගමන්ගත් බ්ලැක්‌හොර්ක්‌ හෙලිකොප්ටරය කන්දහාර් නුවරදී කඩා වැටීම නිසා ඔහු සමග ගමන්ගත් ඇමරිකානු භටයින් 7 දෙනකු හා ඇෆ්ගන් ජාතිකයන් හතර දෙනකුද මෙහිදී මරණයට පත්වී ඇත.
තලේබාන් සංවිධානය ප්‍රකාශ කරන්නේ තමන් මේ හෙලිකොප්ටරය බිම දැමූ බවත්ය.

පොලිසියට බාධා කළැයි ඇල්ලූ ජනප්‍රිය ගායකයාට ශරීර ඇප

පොලිසියේ රාජකාරි කටයුතුවලට බාධා කරන ලදැයි කියන සිද්ධි දෙකකට අදාළව ඊයේ (28 වැනිදා) කළුතර මහෙස්‌ත්‍රාත් අධිකරණයට ඉදිරිපත් කළ ජනප්‍රිය ගායන ශිල්පී අමල් පෙරේරා නමැත්තා ශරීර ඇප දෙකක්‌ මත මුදාහැර තිබේ.

1997 වසරේදී කළුතර දකුණ පොලිසියේ නිලධාරීන්ගේ රාජකාරියට බාධා කිරීම සම්බන්ධයෙන් කළුතර ප්‍රධාන මහෙස්‌ත්‍රාත් අධිකරණයේ විභාග වන නඩුවට පෙනී නොසිටීම සම්බන්ධයෙන් ඔහු අත්අඩංගුවට ගැනීමට වරෙන්තු නිකුත් කර තිබූ අතර එම වරෙන්තුව ක්‍රියාත්මක කරමින් ඔහු ඊයේ (28 වැනිදා) කළුතර ප්‍රධාන මහෙස්‌ත්‍රාත් අරුණ අලුත්ගේ මහතා වෙත ඉදිරිපත් කිරීමෙන් පසු රුපියල් 25,000 ක ශරීර ඇප මත මුදාහරිමින් ඔහුට ඔක්‌තෝබර් මස 8 වැනිදා අධිකරණය හමුවේ පෙනී සිටින ලෙස නියෝග කළේය.

මේ අතර ඊයේ (28 වැනිදා) උදේ රියෑදුරු බලපත්‍රය, ආදායම් බලපත්‍රය හා රක්‍ෂණ සහතික නොමැතිව රිය ධාවනය කිරීම, ගාල්ල-කොළඹ ප්‍රධාන මාර්ගය අවහිර කිරීම සම්බන්ධයෙන් චෝදනා මත පයාගල පොලිසිය විසින් ඔහු කළුතර අතිරේක මහෙස්‌ත්‍රාත් නාමල් පෙරේරා මහතා වෙත ඉදිරිපත් කරනු ලැබීය. එහිදී චූදිත අමල් පෙරේරා නමැත්තා චෝදනාවන්ට නිවැරැදිකරු බව ප්‍රකාශ කළේය.

එහිදී ඔහු රුපියල් 50,000 ක ශරීර ඇපමත මුදාහරින ලෙස නියෝග කළ අතිරේක මහෙස්‌ත්‍රාත්වරයා සැප්තැම්බර් මස 25 වැනිදා අධිකරණය හමුවේ පෙනී සිටින ලෙසද නියෝග කළේය.

කළුතර දකුණ මූලස්‌ථාන ප්‍රධාන පොලිස්‌ පරීක්‍ෂක සමන්ත වෙදගේ, පයාගල පොලිසියේ වැඩබලන ස්‌ථානාධිපති පොලිස්‌ පරීක්‍ෂක වැදිසිංහ යන මහත්වරු සමග පොලිස්‌ කොස්‌තාපල්වරුන් වන ගුණේන්ද්‍ර (55301), අමරනාත් (64407), කුමාර (62405), ධර්මරත්න (10212) යන නිලධාරීහු චූදිත අමල් පෙරේරා අධිකරණයට ඉදිරිපත් කළහ.

ඩී.එස්‌. ට කුරක්‌කන් දමක්‌ ගෙල පැළඳවූ අර්නෝලිස්‌ට දැන් අවුරුදු 103 යි

ලංකාවේ නිදහසට පෙර හා පසු යුග ගණනාවක දේශපාලන, ආර්ථික සහ සමාජ විපර්යාසයන් දැක, ඉන් බොහොමයක්‌ මතකයේ රඳවාගත් වයෝවෘද්ධ ගොවි මහතකු ඉකුත්දා සිය 103 වැනි ජන්ම දිනය පසු කළේය.

අම්බලන්තොට, බැරගම, මහආර ලිපිනයේ පදිංචි හෙතෙම එච්. ජී. එA. අර්නෝලිස්‌ අප්පුහාමිය. ක්‍රි.ව. 1909 මැයි 23 දින උපන් ඔහු විවාහකය. දරුවන් 8 දෙනෙකි. මුනුබුරු මිනිබිරියන් 15 දෙනෙකි. මී මිනිබිරියන් 14 දෙනෙකි. බිරිඳ මීට බොහෝ කලකට පෙර මියගොස්‌ ඇති ඔහුට තදබල අසනීප ගතියක්‌ නැත. දරු මුනුබුරන්ගේ සැලකුම් ලබමින් විවේකීව කාලය ගත කරයි. මස්‌ මාංශ ආදියෙන් තොර සරල ආහාරයක්‌ යෑපුම් මට්‌ටමට ගනී. තම කටයුතු තනිව කර ගැනීමට වාරු ඇති අතර කතා කරන විට වචන පැටලිලි සහිත වුවද මතකය නොසිඳී පවතී.

මම මේ පළාතට ආවේ 1940 ජුලි 23 වැනිදා. මමත් සමග තවත් 140 දෙනෙක්‌ ආවා. ඩී.එස්‌. මහත්මයා බැරගම ගොවි ජනපදය ආරම්භ කරල එහි මුල් පදිංචිකරුවන් වශයෙන් අපිව තෝරාගත්තා. මේ 140 දෙනාගෙන් ඉතුරු වෙලා ඉන්න එකම එක්‌කෙනා මම විතරයි.

මෙම ජනපදලාභීන්ට කුඹුරු අක්‌කර 5, ගොඩබිම් අක්‌කර 3, උදළු, නගුල්, නිවස, හරකබාන, පැළ වර්ග ආදිය සියල්ල නොඅඩුව රජය විසින් ලබාදුන්නා. අලි, කොටි, වග වලසුන් ගහන මහ රූස්‌ස ගස්‌ සහිත කැලය සුද්ධ පවිත්‍ර කොට සරුසාර කෙත් බිම් බවට එAවා පත් කළ උදාර මෙහෙයට දායක වූ පරපුරක අන්තිමයා වන අර්නෝලිස්‌ මහතා ජාතියේම උපහාරයට බඳුන් විය යුතු අයෙකි.

මම කුරක්‌කන් අක්‌කර 3 කුත්, කපු අක්‌කර 1 කුත්, කෙසෙල් අක්‌කර 1 කුත්, කුඹුරු ඉඩමේ ඉස්‌සෙල්ලාම වගා කළා. එහි ප්‍රථම අස්‌වැන්නෙන් මහ සේනානායක මහත්මයාට සංග්‍රහ කළා.

ඩී. එස්‌. තමන් ක්‍රියාත්මක කළ ගොවි ජනපද ව්‍යාපාරයේ ප්‍රගතිය දැක බලාගන්නට බැරගම පැමිණියේය. බැරගම හතරමං හන්දියේදී කුරක්‌කන් දමක්‌ ගෙල පළ¹ එතුමා පිළිගෙන ඇත්තේ අර්නෝලිස්‌ මහතාය. ඔහු සඳහන් කරන පරිදි දවල් ආහාරය සඳහා ඩී.එස්‌. ට මීකිරි, කුරක්‌කන් පිට්‌ටු හා කිතුල් පැණි පිළිගන්වන ලද්දේය. අද එය ඔහු සිහිපත් කරන්නේ හද පිරි සතුටිනි.
By:Divaina

දැරිය අපහරණය කළ තරුණයා රිමාන්ඩ් නිසි රැකවරණය නොදුන් මව හා පියාත් රක්‍ෂිතයට

පහළොස්‌ හැවිරිදි බාලවයස්‌කාර පාසල් දැරියක්‌ අපහරණය කිරීමේ සිද්ධියක්‌ සම්බන්ධව විසිහතර හැවිරිදි වියේ පසුවූ තරුණ පෙම්වතාත් මේ සඳහා නවාතැන් ලබාදුන් පෙම්වතාගේ නැන්දා හා දැරියට නිසි රැකවරණය ලබානොදීම සම්බන්ධව මව හා පියා පෝද්දල පොලිසිය මගින් අත්අඩංගුවට ගෙන ඇත.

මෙම දැරිය උඩුගම ප්‍රදේශයේ පදිංචිකාරියකි. තරුණ පෙම්වතා තෙලිකඩ ප්‍රදේශයේ පදිංචි අයෙකි. ඉකුත් 08 වැනි දින මෙම දැරිය දෙමවුපියන්ගේ වධ හිංසා ඉවසා දරා ගැනීමට නොහැකිව සිය ඥති මාමා කෙනෙකුගේ නිවසේ නතර වී තිබේ.